【即市分析】醫藥汽車股再成輸家

20190114
東網電視
更多新聞短片
東方產經「薦神」專欄作者帥哥:中美兩國貿易戰無新消息,不過今個星期輪到英國脫歐協議表決,一旦否決並行「無序脫歐」條路,咁唔單止英國經濟無運行,相信港股亦會被波及。
港股今日(周一)氣氛轉淡,主因中國公布貿易數據弱強人意,按人民幣計,2018年12月中國出口按年增長大幅放緩至0.2%,遠遜預期的6.6%;12月貿易順差3,949.9億元,預期順差3,450億元,數字上都真係幾難睇,難怪港股彈唔起!
睇番上星期彈得係威係勢的汽車股及醫藥股今日均重新調整,所謂「彈得勁跌得痛」,其實兩國板塊「內傷」都唔輕,前者受累國家隨時被逼進一步開放市場,變相引入更多強勁競爭對手;後者則受累帶量採購之國策,基本面根本未見曙光,所以睇怕兩國板塊後市都係有反彈冇升幅,太重貨的話要逢反彈睇位減磅。
─ ─ ─ ─ ─ ─
「東網Money18」全新功能「貼市貼士」,助你掌握投資先機
「互聯餘額」數據,助你掌握北水動向