小米雷軍咁躁 唔通係因為...

2019年01月14日 21:24
東網電視
更多新聞短片
雷軍(Getty Images圖片)

小米(01810)董事長雷軍喺上周紅米發布會上不斷針住華為開炮,查實兩者競爭都已好幾年,何解嗰日忽然勁躁?唔通係因為......

話說,上周四紅米Redmi品牌獨立及紅米Note 7新機發布會上,雷軍燥話「友商的子品牌,懟了我五年時間」,又話人哋「從誕生之日,就怎麽Low怎麽來」(Low者,差也)。「創辦小米前,我曾是華為的鐵桿粉絲,會背任正非(華為創辦人)很多講話!」佢咁講,「友商」係邊個,明啦。

雷總仲話,「友商」經常攻擊小米「飢餓行銷」(即是出貨量少,造搶購假象)、係「PPT手機」(Pre-Production Test手機是也,即是被人窒新機齋發布但唔開賣)。

呢個時候,台上大銀幕映住華為商城嘅畫面,顯示華為上月初發布嘅新機NOVA 4至今仍未有確實出貨時間,雷總指住鬧「這不就是PPT手機嘛!有本事你拿貨出來賣啊!」仲話「要是哪天把我惹急了」,就大爆「孔屏(華為NOVA 4賣點)的多少個弱點和技術不成熟的地方」!

華為同子品牌榮耀,與小米之間嘅較勁,都唔係今時今日嘅事,連雷總都話呢五年來自己「從來沒有回應過」,咁做乜嗰日忽然咁火咬住唔放?

嗱,就咁嘅,有人發現同一日,有個聲稱獲認證嘅「雷軍」帳戶喺「知乎」網站關注咗個問題,就係「同樣是國產手機,為甚麼華為是民族品牌,而在印度市場佔有率第一的小米卻不是民族驕傲?」唔通係嬲呢樣?

不過,個帳戶隨後又取消關注個問題。而雷總被問到時,就話「知乎帳戶真的是我開的麽?」話有可能唔係佢開喎,又話自己成年都冇上過「知乎」咁話。Well.....唔知呢?

------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》

最真實、刺激的多人在線骰寶遊戲!
遊戲下載:
https://goo.gl/i2t1yj

東網Money18「貼市貼士」功能,助你掌握投資先機
http://bit.ly/2sLtGDm