魚缸通：散戶炒騰訊賺餐茶
20190117
東網電視
更多新聞短片
周四恒指升幅唔算大，但股王騰訊控股(00700)氣勢如虹，升約2%，吸引唔少散戶追入。致富證券大埔分行經理Gordon話，騰訊旗下新手遊《權力的遊戲：凜冬將至》開啟首測，加上估計旗下遊戲將會正式攞到內地中宣部的遊戲版號，所以股友們入住貨先。
早前就有散戶於310港元追入，320元沽出，平均每手賺千元，都算幾和味。之後會繼續捕住股王，啱價就買，博佢再升一浸。
另外，又有散戶追入手機設備股舜宇光學科技(02382)，因為近日弱勢，估計遲啲會升番。但佢就話，由於農曆新年將至，市場投資氣氛都唔算太強，有胡就食，賺小小就沽貨。
投資部署方面，佢建議由於加息步伐減慢，加上市場上未有太大負面因素，因此相信恒指回升機會大。但中美停戰90日限期將至，建議近日睇定啲，等市場有新消息再入市。
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！遊戲下載：
東網Money18「貼市貼士」功能，助你掌握投資先機