m18講場:情人節被人閃親?Send呢篇去炸佢

2019年02月13日 22:45
東網電視
更多新聞短片
(Getty Images圖片)

唔好理人家情人節放閃,話你知,獨自快樂不知對經濟幾咁有貢獻,國金證券剛剛就出咗份《單身經濟崛起,消費新勢力抬頭》報告。

報告指出,中國未來會似日本,主動選擇單身嘅人愈來愈多,當中85後至95後(24至34歲),最願意使錢亦敢使,未來大消費行業嘅投資機會,就要睇佢哋嘅使錢邏輯。

呢群單身族有少少宅、鍾意打機、愛旅行、偏愛「小確喪」(即是少少頹與空虛,算係「小確幸」嘅相反)式嘅表達方式。

佢哋嘅消費有幾個特色,第一係花錢買方便。佢哋主要幫襯便利店同叫外賣,亦由於居住環境細,多功能嘅懶人小家電市場非常有前景,但前提係件家電要好樣。

第二係花錢買靚。佢哋好着重「顏值」,唔少人使用面膜頻率係平均每周一至兩次,每年平均網購3.3枝唇膏,仲未計其他護膚品、精油等。

第三係花錢買靈魂。旅遊係重要消費領域;咖啡室亦唔係為飲咖啡,而係一種消遣同社交,睇戲亦一樣。

第四係花錢買寄託。佢哋養寵物嘅佔比逾七成,毛孩對於佢哋,直頭係親人;講到打機,遊戲行業將向社交化方向發展,電競係主流,而漫畫、動漫等視訊會係單身經濟嘅重要增長引擎。

嗱呢個情人節有邊個不知好歹閃親你,就Send呢篇文去炸佢!
------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!
遊戲下載:
https://goo.gl/i2t1yj

東網Money18「貼市貼士」功能,助你掌握投資先機
http://bit.ly/2sLtGDm