【即市分析】美債孳息倒掛港股實死冇生?

20190325
東網電視
更多新聞短片
東方產經專欄作者股博士:港股今日(周一)開市大跌,主因美債孳息上星期開始倒掛,市場憂慮美國經濟衰退風險上升,避險意識急增,環球股市氣氛皆大幅回落。
睇番資料,美國3個月期債息現為2.4373厘,高於10年期國債息2.4372厘,短債息仍高於長債息,意味債市資金對中長線經濟唔太睇好,只願意投入較短期投資。按過住經驗,長短債息呈現倒掛,往往是經濟衰退之先兆,難怪市場氣氛咁差。
部署上,債市已現異動,股市亦開始亦步亦趨,如果整個投資市場氣氛持續轉差,相信一向較被動的港股亦唔會好得去邊。
其實,恒指自年初開始累升近季,相信未來若調整,跌勢亦唔講得笑,當中一眾重磅股料會率先被沽。策略上,騰訊控股(00700)、滙豐控股(00005)及建設銀行(00939)等重磅股股價今日低開後跌幅雖收窄,就算唔肯定是否「後抽」,即彈完就再急插,惟已持重貨者亦應逢反彈減磅,將潛在損失減至最少,方為上策。
─ ─ ─ ─ ─ ─
「東網Money18」全新功能「貼市貼士」,助你掌握投資先機
「互聯餘額」數據,助你掌握北水動向