【即市分析】若中美貿談報佳音 有人歡喜有人愁…

2019年04月16日 10:00
東網電視
更多新聞短片

眨眼又到4月中旬,與中美貿易談判公布結果的時間應該愈來愈近。從中美政治和經濟環境可以推斷,雙方都有誠意達成貿易協議,所以市場對於貿談結果偏向持有樂觀態度。自今年1月中美展開貿易談判至今,中、港股市已累積可觀升幅,唔少受惠股都經已大幅炒上,咁到底貿易談判消息正面的話,仲有冇板塊值得一博的呢?

答案係有,就係金融股。事緣美國一直抨擊中國的金融業改革開放度不足,相信今次中美貿談其中一個重要範疇,必然是要求中國加大開放金融市場的力度。從中國A股獲國際指數公司納入指數系列,以及外資不斷流入A股可見,市場對此確有一番期待。

如是者,受惠內地金融業開放有那些個股?滙豐控股(00005)、恒生銀行(00011)、友邦保險(01299)都可以是受惠者。事實上,隨着內地居民收入提升,在金融領域,無論是投資、保險、金融消費、企業融資等,都充滿着商業機會,這些在香港市場有成功經驗的金融股,未來有望迎來更大的發展空間。

但當然,有人歡迎有人愁。外來准入放寬,一直受國策保護的內銀股,將面臨更大的外來競爭,尤其是內銀股因國資背景,好多時要背負政策任務,股東回報反而係次要,咁就足以給比下去,故見呢幾個月升市,內銀股表現落後,唔係冇原因。至於為何內銀股可跑贏內銀股,皆因內險股的投資收益可受惠於A股市場做好,所以話資金流向就是熟好熟淡的最好說明。

至於其他潛在受益股,如受惠美國豬肉產品將廣開內地市場銷路的萬洲國際(00288),股價經已升咗唔少,要提防短線會唔會藉口好消息出貨,乘機震倉。

此外,內地汽車股將面對更大的外來競爭,但多咗外國品牌車廠全面進軍內地市場,反而可為汽車4S股將來商機,皆因外資始終不太懂直接面對內地消費者,要靠本地企業做嚮導,再結合未來5G與新能源汽車業的快速發展將為汽車4S行業衍生更多商機,屆時汽車4S股有望發揮優勢,中長線值得睇位部署,個股可留意中升控股(00881)和諧汽車(03836)及永達汽車(03669)等(汽車售服板塊表現:https://bit.ly/2yauBS7 )。

東方產經專欄作者股博士

─ ─ ─ ─ ─ ─
「東網Money18」全新功能「貼市貼士」,助你掌握投資先機
http://bit.ly/2sLtGDm

「互聯餘額」數據,助你掌握北水動向
http://money18.on.cc/connect/dqb.html