古勝:憧憬新一輪政策市

20190516
東網電視
更多新聞短片
市場憧憬內地會再推刺激經濟措施,吉汽等股份低位有承接。
古勝在東方產經「MARKET INSIGHT」專欄中表示,美國總統特朗普又改口風,話中美貿易談判可能在三、四星期內有結果,總之全世界人都被佢牽住鼻子走。不過,唔知大家有冇同人對賭的經驗,通常對賭時,邊個大大聲恐嚇對家的,嗰個就往往最容易露出底牌。所以,如今大家表面上睇到的,不一定就是事實。講到尾,未到最後一刻,實難以判斷呢場世紀談判勝負如何。
內地公布四月份規模以上工業增加值按年增長5.4%,遜預期;社會消費品零售總額按年增長7.2%,增長速度為2003年5月以來最低。顯見,外貿問題,已開始影響內部需求表現,再不設法止住擴散趨勢,一旦就業市場出問題,只怕會演變成一場信心危機。故有理由相信,中國好快會推出新一輪刺激經濟措施,包括公布較大幅度降準。呢兩日經已見到有資金流入內銀股布置倉位。仍在缸內打滾的炒家,不妨留意相關的衍生工具好倉表現,以小博大,捕捉新一輪政策市來臨的機會。
至於消費類股,雖然尋日(周三)公布的數據唔多靚仔,或暗示內地經濟正醞釀更大困難,惟就係憑着對政策的憧憬,未見相關板塊有太大沽壓。相反,見到體品股有好表現,安踏體育(02020)及李寧(02331)分別升3至4%,部分原因與指數變動相關買賣盤有關。之不過,若然要博消費類股,筆者都係傾向留意汽車及家電股的機會,其中可關注吉利汽車(00175)及創維數碼(00751)在低位承接,捕捉撈貨機會。但都補充一句,畢竟唔係大旺市,入市博反彈浪須謹守「兩嚴」,即嚴控注碼和嚴守止蝕紀律。
回說港股尋日表垷,恒生指數曾升上28,441點,惟尾市升幅收窄,埋單僅升146點,報28,268點,且成交僅961億元。跌市成交大,升市成交多,一定程度反映市底依然偏弱,在騰訊控股(00700)公布季績前,好淡雙方都留有一手,靜觀其變。執筆期間傳來騰訊首季純利272億元人民幣,增長約17%,優於市場預期。看來淡友停一停手都係明智,且看今浪其股價能否重上385元水平。
講開騰訊,尋日亦見到兩隻新經濟股有異動,小米集團(01810)升3.5%、美圖公司(01357)更升逾一成。只可惜兩者成交都係好一般,未見得係轉勢。若然低位有上車博反彈,都係唔好貪心,有胡要識食。暫時而言,新經濟股都係不宜坐,只宜視乎氣氛小注短炒波幅。
─ ─ ─ ─ ─ ─
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!
立即免費下載,體驗《骰寶坊》最真實、刺激的多人在線骰寶遊戲!
遊戲下載:
「東網Money18」全新功能「貼市貼士」,助你掌握投資先機