m18講場:海天地悅旅主席化身旅遊大使滿場飛

2019年05月16日 11:58
東網電視
更多新聞短片
海天地悅旅主席陳守仁(右)原來已屆88歲高齡。

今日(16日)新股市場好熱鬧,優閒旅遊集團海天地悅旅(01832)及中國福建工業材料供應商星宇控股(02346)齊齊首掛。

海天地悅旅主席兼非執行董事陳守仁雖然已年屆88歲高齡,但身體仲好壯健,開心到滿場飛。在致辭時仲好有中氣,講嘢夠晒大聲,場內唔少嘉賓都讚陳主席「聲氣」夠。

佢仲話好開心見到公司上市,興之所至仲化身成為關島及塞班島旅遊大使,叫大家有機會可以去下海島感受下度假風情,放鬆放鬆!

海天地悅旅送咗個琉璃鼎畀聯交所做紀念品,可惜頂唔起股價,開市報3.3港元,較招股價3.54元跌6.77%。驟眼睇個琉璃無乜特別,其實暗藏玄機,鼎嘅兩隻耳仔係藍色,而中間鼎身係綠色、黃色,代表「海、天、地」,正正係公司名同業務所在地關島及塞班島嘅象徵!

至於星宇控股就送咗幅書法,大玩諧音之餘,仲等你可以一眼睇明公司業務。

星宇係燒結釹硼磁性材料生產商,唔研究一下,真係唔多明佢做乜。書法寫上「磁質以恒」,用普通話讀,即係「持之以恆」。燒結釹硼磁性材料係磁質一種,好多電子零件都用得到,例如手機零件及新能源汽車零件等。

------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!

遊戲下載:
https://goo.gl/i2t1yj

東網Money18「貼市貼士」功能,助你掌握投資先機
http://bit.ly/2sLtGDm