【即市分析】航空股持續低飛有因

2019年05月16日 15:15
東網電視
更多新聞短片
中國國航

東方產經專欄作者帥哥:中美貿易戰前景未明,雖然市傳美國打算延遲6個月,以決定是否實施汽車進口關稅,令市場對環球貿易爭拗進一步升級的憂慮降溫,但投資者又應如何自處?

事實上,外圍情況真係估唔到,不過中美貿易戰持續,令資金對內地實體經濟出現信心危機卻是肯定的,尤其是中央雖然有機會推出一系列措施,如放水及降準等以支撐經濟,惟羊毛出自羊身上,相關舉動只是將引爆時間延後,並非完全解決問題,故近期見人民幣匯率反覆回軟,離岸人民幣(CNH)今早(周四)回落至6.9109,走勢持續轉弱並非無的放矢。

此外,澳紐元近期受年尾隨時要減息等因素影響而乏力,相對美匯在97.5元水平企穩,在人民幣偏軟而美元強勢下,有部分板塊就一定唔好掂住,好似中資航空股就係最好例子,事關人仔轉弱不利相關企業收入外,美元轉強同樣增加購置飛機成本,加上國價油價近期企穩60美元樓上,主要營運成本亦未見大降機會,行業前景不言而喻。

走勢上,中國國航(00753)、東方航空(00670)及南方航空(01055)股價皆自4月初見頂回落,短期未有反彈迹象,加上行業景氣一般,似乎股價短中線都係「繼續低飛」居多!
─ ─ ─ ─ ─ ─
「東網Money18」全新功能「貼市貼士」,助你掌握投資先機
http://bit.ly/2sLtGDm

「互聯餘額」數據,助你掌握北水動向
http://money18.on.cc/connect/dqb.html