【即市分析】恒指走勢依然利淡　對策係…

東網電視

東方產經專欄作者HS哥：近期市場焦點全聚焦在中美貿易戰發展，不過從走勢睇，港股就算有得彈，睇怕都好難有多大升幅，何解？

從恒指日線圖睇，恒指5月3日以下跌裂口失守早前橫行區支持後跌勢加劇，並已先後跌穿10日、20日、50日及100日線，本周雖略作反彈，但MACD熊叉持續，走勢利淡。

另從月線圖睇，恒指現時已跌穿中線升軌支持及低於20月線(28,829點)，雖然未到月尾都未可確認是否失守，但如今已屆5月中旬，睇勢除非貿易戰報佳音，否則恒指要重上29,000點樓上難度頗大。

策略上，真金白銀最反映市場睇法，恒指走勢轉差毋容置疑，又唔知美國總統特朗普會在社交平台有咩「偉論」，周末前交易日都係企埋一邊食住花生算，少做少錯，唔做唔錯！

─ ─ ─ ─ ─ ─

「東網Money18」全新功能「貼市貼士」，助你掌握投資先機

「互聯餘額」數據，助你掌握北水動向

on.cc東網