【即市分析】人幣貶值壓力增 港股「六絕」難逃？
20190517
東網電視
更多新聞短片
東方產經專欄作者HS哥：美股昨晚表現唔錯，不過港股今日(周五)就繼續冇運行，咁又難怪，A股再次回軟，加上人民幣再現貶值壓力，離岸人民幣見6.9343，中資股佔港股比重咁大，估值下調壓力增加，有心理準備，繼「五窮」後，港股「六絕」難逃！
指數拾級而下之同時，其實市場上眾多板塊前景或走勢都唔多樂觀，好似航空股受累人仔下跌；手機設備股又受美國總統特朗普出招針對華為；鐵路基建股受累支持政策只聞樓梯響卻未有實質政策出台下，近幾個月股價彈都唔彈；中資金融股如內銀及內險則受累A股下跌及實體經濟前景未明影響而反覆調整；新經濟股彈完一輪亦再次冇氣冇力。
此外，內地豬瘟疫情仍在蔓延，食品價格將繼續拉升通脹，令政府在研推降法甚至減息刺激經濟上，多了顧慮。
恒指從今年初在24,896點起步，反覆升至4月中高見30,280點後回調，並先後跌穿多條主要平均線。若以上述高低位計算，亦已先後跌穿調整幅度黃金比率0.236(29,009點)、0.382(28,223點)，未來有機會下試0.5(27,588點)。所以從牌面睇，短期就算唔止蝕都要減倉，盡量降低風險。
─ ─ ─ ─ ─ ─
「東網Money18」全新功能「貼市貼士」，助你掌握投資先機
「互聯餘額」數據，助你掌握北水動向