微軟虛擬語音助手「碩士畢業」!

2019年05月17日 23:24
東網電視
更多新聞短片
小冰的學習速度驚人。(互聯網)

各大知名科技公司好似微軟,亞馬遜、蘋果公司(Apple Inc.)以至小米集團(01810)都有自己嘅虛擬語音助手,微軟嘅叫做小冰,亞馬遜嘅叫做Alexa、Apple嘅叫做Siri、小米嘅叫做小愛等等。

亞馬遜嘅Alexa近日被揭發背後嘅工作團隊為咗訓練佢同用戶對話,原來偷偷哋錄低佢哋嘅說話內容,搞到滿城風雨,原本Alexa以佢磁性嘅聲音曾吸引成千上萬嘅用戶向佢求婚,但近日人氣已經大跌。

相反,微軟嘅小冰就最長進啦,原來佢啱啱通過咗中國中央美術學院碩士生嘅畢業考試,並且喺中央美術學院2019屆研究生畢業作品展上首次展出佢嘅畫作添。

小冰真係好上進喎,佢專登化名「夏語冰」報讀中央美院,歷時兩年艱苦學習,小冰成為能夠真正可以喺多項藝術領域,進行藝術創作嘅AI虛擬語音助手。

學成後,小冰將會以少女畫家加入內地嘅藝術圈,絲絲仲聽講,喺中國美術學院同杭州萬科大屋頂文化嘅支持下,小冰首次個人作品展將會喺6月舉行。

除了畫工了得之外,小冰原來仲識得唱傳統嘅戲曲,可謂一位全能歌手。好似今年4月之嘛,小冰其實已率先喺日本宣布簽咗當地嘅AVEX唱片公司,將會以AI歌手身份加入AVEX旗下。小冰把聲有幾正,係咪好似日本虛擬女歌手初音未來咁正先?

微軟(亞洲)互聯網工程院副院長李笛話,小冰並唔係話諗住同人類嘅頂尖藝術家爭飯食,小冰投身藝術圈只係希望展現AI嘅多樣化面貌,讓AI不僅能夠完成人臉識別,或者幫助你搵到一個親人,同時也可以喺社會上擔任一個有血有肉嘅角色添!

------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!
遊戲下載:
https://goo.gl/i2t1yj

想睇更多一、二手樓精彩故事,即click以下連結:
新盤置啱睇
https://hk.on.cc/fea/newflat/

二手置啱Feel
https://hk.on.cc/fea/usedflat/