【即市分析】港股反向ETF逆市突圍

2019年08月15日 10:00
東網電視
更多新聞短片

東方產經專欄作者股博士:環球經濟前景灰到核爆,美國10年國債孳息跌到落1.64水平,為16年以來最低,德國及日本就已經分別跌到落負0.63及負0.22厘水平,金價受中美貿易戰緩和消息影響,一度回軟,但好快又重上1,500美元,市場避險需求仍濃。

另外,香港政治事件愈來愈令投資市場驚恐,大家睇睇本地產股及零售股跌過不停,就正正已經在內憂外患下,港股中線應該未跌完,咁除咗直接買之前講過的金礦股或黃金ETF外,仲有乜選擇?事實上,如果港股繼續落,指數就一定冇運行,其後非指數在大市氣氛利淡下,要捕捉可供博反彈的個股之選擇少之又少,反之若投資者確認睇淡,則可直接以反向指數ETF出擊或作為對沖之用,亦不失為一個好選擇。

大市近期反覆向下,反向ETF當然升得唔錯,與恒指呈反向關係的FI二南方恒指(07500)及FI南方恒指(07300)拾級而上趨勢未變,近期成交持續暢旺,昨分別約6億及2.3億元;至於跟國指呈反向關係的FI二南方國指(07588)近期同樣大升,昨成交931萬元。策略上,若看官認為港股短中線仍以反覆向下為主,不妨從中揀蟀。

最後,有一點必須留意,由於槓桿及反向產品主要是為提供單日回報而設,不宜作長線投資,皆因若持有產品時間多於一天,投資回報或會偏離相關指數累計表現,更有可能得不償失,故只宜小注炒即日鮮為主。
------
立即參加「賞您睇」:https://reward.on.cc/theclub/promote/index.html
Click下面粒掣,儲on.cc coins!機票、家電、超市禮券、過萬份獎品等緊你。