人民幣互換協議額度用咗幾多?金管局:係零呀!

20190815
東網電視
更多新聞短片
香港金融管理局繼上星期發文為「內地借錢無還」闢謠,今日再嚟二度發文,深度解構何謂「港元人民幣貨幣互換」,仲話宜家嘅使用額度係...零!
●互換協議下4000億元人民幣額度用咗幾多?
互換協議嘅目的係應付市場流動性需要,通常喺市場比較緊張時動用,所以使用情況有一定嘅市場敏感性,金管局一般都唔會透露使用嘅細節,但指出,互換協議絕大部分時間係處於備用狀態,現時亦冇被動用,即係話使用額度為零,以前曾用過嘅額度早已全數各自攞番本幣。
●既然使用額度為零,點解唔乾脆取消互換協議?又或者唔使4000億元人民幣咁多?
港元係香港嘅本幣,當股票買賣或其他商業活動令港元嘅流動性不足,金管局可以按貨幣發行局機制提供港元資金去舒緩市場緊張情況。由於人民幣唔係香港本幣,金管局要依賴同人民銀行嘅互換協議先可以攞到人民幣,否則當香港人民幣離岸市場流動性緊張,人民幣就會出現短缺,息率可能會急速抽升,影響市場嘅暢順運作。
至於額度多少係同市場規模嘅大小有關。香港係全球最大嘅人民幣離岸中心,人民幣資金池超過6000億元,所以需要較大嘅互換規模作為備用。香港只係其中一個同人民銀行有貨幣互換協議嘅地方,其他地方嘅互換額度都唔細,例如新加坡喺今年5月就將3000億元人民幣嘅互換額度續期。
●2017年金管局同人民銀行嘅互換額度續期就係永續「借錢」?
金管局話唔係咁解。2017年續簽協議只係為「備用安排」續期,類似大家信用咭嘅備用信貸額,如果冇實際運用,大家就各不相欠。即使有實際動用額度,貨幣互換嘅使用一般都係短期,到期嘅時候雙方就會各自攞返本幣。
------
立即參加「賞您睇」:http://bit.ly/2JWKULh
Click下面粒掣,儲on.cc coins!機票、家電、超市禮券、過萬份獎品等緊你。