【即市分析】恒指走勢轉強　睇實牛熊分界線…

東方產經專欄作者HS哥：恒指昨日(周三)即市爆上，單日升475點報27,159點，乃8月初以來首次重上到二萬七，咁係咪追買得？

講真，正如早前所言，港股「內憂」與「外患」確有改善迹象，不過可唔可以持久就好難講，加上中美貿易戰只係講緊重新高級別談判，未來結果係點仲係冇人知，所以就算順勢追買，都只係建議炒即日鮮就算數，事關夜晚又唔知美國總統「侵侵」幾時會走出來出口術，所以持貨過夜風險仍然唔細。

走勢上，恒指既然重上兩萬七及50日線之上，只要短期守穩，應該仲有得去，可以小注試Call或買恒指牛證。淡友宜忍手，先觀望恒指短線能否重上並企穩牛熊分界線27,373點，再謀定而後動。

－－－－－－

立即參加「賞您睇」：https://reward.on.cc/theclub/promote/index.html

Click下面粒掣，儲on.cc coins！機票、家電、超市禮券、過萬份獎品等緊你。