【即市分析】內銀股反彈已屆強弩之末？

東方產經專欄作者HS哥：中央早前終於宣布降準放水刺激經濟，如果遇上旺市，市場應該齊齊落場狂炒，不過睇見隻重磅內銀股建設銀行(00939)升得一浸就冇乜力水，昨日(周四)股價更先高後低，今日又係星期五，提防反彈近尾聲，隨時會掉頭回吐。

事實上，本來最受惠放水的就係內銀股，但要留意的是，放水劇本早已在市場預期之內，今次冇「見光死」場面，純綷因為十一概念頂住。另外，內地經濟增長放緩大家都有眼睇，內銀要負起支持微小企業融資便利的「國家任務」，資產質素及呆壞帳情況令人擔憂。

策略上，近月建行股價反彈，惟昨日上升動力轉弱外，最重要係現價已進入5至7月蟹貨區6.1元至6.3元區間內，且100日線約6.2元正是4月至今下降軌阻力所在。既然上面阻力重重，且近期基本面又唔係真係好咗好多，睇怕今輪反彈浪都差不多，未買貨者不宜沾手，已入貨者可考慮趁高食胡。

－－－－－－

立即參加「賞您睇」：https://reward.on.cc/theclub/promote/index.html

Click下面粒掣，儲on.cc coins！機票、家電、超市禮券、過萬份獎品等緊你。