古勝 內地汽車股福禍難料

2019年11月11日 00:10
東網電視
更多新聞短片
中美貿易談判發展主導港股,惟消息時好時壞,即市走勢或逐步趨向波動。雖然,人民幣反彈,皆帶領受惠板塊繼續向上,但要留意離岸人民幣自年初至今仍貶值近1.57%,惟本月卻升值約2.6%,在人民幣匯價仍然波動下,對部分企業是好是壞仍難以說清,故不宜當單邊市咁炒。
就以汽車股為例,雖然部分汽車股係威係勢並作出較有力反彈,惟板塊基本面未見改善,係咪中美兩國傾得成,板塊就一定受惠?答案顯然是否定的。
從基本面分析,汽車股未來真係好難估,原因有幾個:首先,中美就算傾得成,但難以估計內地對外資開放程度有幾大?對本土汽車行業是「有競爭才有進步」,還是「汰弱留強後變得冇運行」?冇水晶球都唔會知。
其次,從內地汽車銷售數據反映,行業過住「金九銀十」旺季不再。中國乘聯會上周五公布,轎車、SUV、微客,以及MPV的廣義乘用車銷量按年下降6%至187萬輛,為過去17個月中的第16次下跌,唯一增加月份為今年六月,但主因是該月經銷商清理庫存,提供了大量折扣所致,而非市場購買力突然增加。
由此可見,內地經濟放緩已打擊民眾消費信心,而且中央推增加消費措施尚見成效,行業最後福禍難料,故就算板塊短期走勢反彈,都係建議大家放埋一邊當睇少瓣,最少等到行業「終極贏家」出現先再押注,相信才是致勝之道。
數據方面,今個星期美國未見太重要數據,只有周三的美國十月份CPI數據較值得留意。港股方面,周三則有領展(00823)及騰訊(00700)分別公布中期業績及第三季業績,同樣值得大家多加關注。
------
【仲等咩?】最強炒股神器《東網Money18》APP已全面升級,新增多項新功能,助你投資理財、揀股問股!即刻click入 http://on.cc/redirect/money18 下載安裝!
想問股票?即刻Click入 http://bit.ly/2NqHU90 留言,《東網Money18》專欄作者同你點選作答。