m18講場：李小加大講「I love you」　原來今日係...

周二(26日)係中國科網巨擘阿里巴巴(09988)回歸香港市場嘅大喜日子，香港交易所(00388)行政總裁李小加出席其上市儀式，仲表明一定會記住今日咁話！點解咁講？小加其後自爆，今日係佢嘅小女兒(老三)嘅成年禮，仲借傳媒朋友同阿女講聲「18歲Happy birthday」同「I love you」，真係sweet到呢！

今個星期四係美國感恩節假期，小加開心到話「今日就當感恩節過了」。他又話，曾經喺美國生活一段長時間，所以感恩節亦係佢屋企一個重要節日，今日就會飛去紐約，同屋企人一齊過節。

－－－－－－

【仲等咩？】最強炒股神器《東網Money18》APP已全面升級，新增多項新功能，助你投資理財、揀股問股！即刻click入 http://on.cc/redirect/money18 下載安裝！

想問股票？即刻Click入 http://bit.ly/2NqHU90 留言，《東網Money18》專欄作者同你點選作答。