【專家點評】古勝：港股交投轉靜　留意人幣表現

美國總統特朗普突然發功，簽完《香港人權法案》後，又表示唔急於簽訂中美貿易協議，甚至話可以等到明年11月大選之後先至簽仲好的言論，投資市場聽到當然嚇三聲，環球投資胃納下降，美股急跌，金價急升之餘，人民幣跌勢亦加劇，而作為核心被波及地區的港股當然冇運行，連跌數日甚至要考驗26,000點支持。

當然，資金都係睇錢做人，見指數唔對路，藍籌股跌勢就最能反映，好似金融股如滙豐控股(00005)、友邦保險(01288)、中國平安(02318)今期都跌得幾急。反之，騰訊控股(00700)早前受阿里巴巴(09988)上市影響，市場資金顯見「分流」現象，早已彈得唔多的騰訊，今轉回調速度反而唔係太急。

臨近年尾，唔少股民都提早收爐，嚟緊市況會更趨淡靜，開市首一個鐘基本上已行晒全日波幅。唔係有咩突發消息，都係唔做唔錯為妙。

東方產經專欄作者 古勝

－－－－－－

【仲等咩？】最強炒股神器《東網Money18》APP已全面升級，新增多項新功能，助你投資理財、揀股問股！即刻click入 http://on.cc/redirect/money18 下載安裝！

想問股票？即刻Click入 http://bit.ly/2NqHU90 留言，《東網Money18》專欄作者同你點選作答。