商品大王撐老友！新股掛牌踩場兼「敲鑼」

周四(16日)有7隻新股齊齊掛牌，場面墟冚，就連商品大王羅傑斯都有去！唔通佢都想八卦吓7間上市齊敲鑼嘅奇境？

唔講唔知，羅傑斯係中國內地房地產商滙景控股(09968)榮譽顧問！嘩，唔通遲下滙景會推出商品期貨？梗係唔係啦，只係公司主席倫瑞祥同佢老友鬼鬼，睇吓佢哋兩個係個台度搭晒膊頭就知啦！至於點識？係秘密，唔講你知！

估你唔到嘅係，呢位金融界大人都有鬼馬一面㗎！上到台，見到個鑼好興奮，仲忍唔住手敲返幾下。

－－－－－－

【仲等咩？】最強炒股神器《東網Money18》APP已全面升級，新增多項新功能，助你投資理財、揀股問股！即刻click入 http://on.cc/redirect/money18 下載安裝！

想問股票？即刻Click入 http://bit.ly/2NqHU90 留言，《東網Money18》專欄作者同你點選作答。