慶祝上市十年!耀才唔止派特別息 仲拎8位數畀員工?

20200122
東網電視
更多新聞短片
耀才證券主席葉茂林先生(左五)與一眾集團管理層出席周年晚宴。
近排唔少企業都話要裁員、減人工,但本地券商耀才證券(01428)逆市操作,豪派高達8位數字年終花紅畀全體員工,部分卓越表現員工仲攞到獲超過10個月極優厚花紅!唔知係邊位呢?
公司員工知道有花紅分,個個都笑呵呵,小記聽到消息都好羨慕啊!有員工同小記講,好多謝公司嘅奬勵,話「辛苦努力係有回報」,日後會更加努力咁話喎!聽到呢句,相信主席葉茂林仲開心。
唔單止咁,耀才早排搞咗個周年晚宴,葉主席仲豪擲超過7位數字嘅現金及獎品畀各位員工「贈興」,等大家開開心心「過肥年」。仲請嚟資深投資者「舖王」鄧成波(波叔)同佢仔仔鄧耀昇出席,不過佢哋兩位就好客氣,仲請耀才員工賀年食品添!鼠年就快到,葉茂林就希望公司業務版圖進一步擴大至大中華區。
其實唔止員工有開心事,股東都有。今年係耀才證券上市十周年,為回饋股一直支持,公司宣布派發一次過特別股息每股普通股80港仙。
------
【仲等咩?】最強炒股神器《東網Money18》APP已全面升級,新增多項新功能,助你投資理財、揀股問股!即刻click入 http://on.cc/redirect/money18 下載安裝!
想問股票?即刻Click入 http://bit.ly/2NqHU90 留言,《東網Money18》專欄作者同你點選作答。