【股民熱話】經歷今次疫情 投資者須認真處理呢三件事…

2020年02月14日 08:00
東網電視
更多新聞短片
事隔17年,香港人又再經歷一次嚴重的疫情。其共同點,乃疫情同樣源自內地,再傳入香港,令香港出現人傳人個案。不過,印象中,今次疫情對香港人的生活影響更大,皆因今次就連基本防疫用品都缺乏,港府的表現亦盡失民心,香港人心態上已無所依靠,只得民間互助自救,這可謂不幸之中的更不幸!
經歷今次疫情,作為一個懂投資為何物的香港人,筆者認為有三件事要認真處理!
首先,盡快檢討吓自己份保險,睇醫療保險足唔足夠,一旦手停口停,有咩保障。生活喺香港,筆者個人而言唔怕隨時兩腳一伸,最怕係得病要愁醫療開支同生活費用,苦上加苦,謹記買保險正係以可負擔的成本將自己承擔唔到的風險轉嫁他人。
其次係,在檢討投資組合中,要減少高風險投資比重,增加固定收入及流動資金比重,以準備好香港經濟可能差十年八載,冇啖好食,有啲固定收入幫補吓。若然進入退休年齡,有自住物業,咁可以諗吓趁樓價仲高企,研究安老按揭,既可以保障退休生活,又可以減輕對下一代供養父母的生活負擔。
第三,市道差,有餘錢投資,寧買點高息股或債券(避買公司債及長期債),都別貿然買物業,皆因樓市仍然相對高企,但流動性下降,想沽貨套現有難度,且租金回報率不比從前。
當然,重要的事要講多幾次。筆者再次重申,亂世下,賺錢係次要,保本才是首要任務,股友切記!
東方產經專欄作者 帥哥
------
【仲等咩?】最強炒股神器《東網Money18》APP已全面升級,新增多項新功能,助你投資理財、揀股問股!即刻clic入 http://on.cc/redirect/money18 下載安裝!
想問股票?即刻Click入 http://bit.ly/2NqHU90 留言,《東網Money18》專欄作者同你點選作答。