想攞一萬蚊仲有額外奬賞？四大銀行優惠一文睇晒

東網電視

等咗咁耐，政府派發1萬元現金終於有新消息，一共有21間銀行參與計劃。如果想盡快收到錢，最好是經銀行登記並以個人戶口收款，各位市民可於本月21日起登記喇。4大港銀出咗唔少招數吸客，分分鐘仲可以1萬變2萬蚊添！

●滙豐新客活期息有10厘

所有於8月31日或之前，透過滙豐登記政府現金派發計劃的客戶，都會自動登記參加抽獎，有機會獲取豐富獎品。有幾豐富？滙豐仲未透露喎。

不過，新客仔就有so喇，於7月31日或之前，透過滙豐香港流動應用程式開立個人戶口，可享首兩個月港元儲蓄存款優惠，年利率有10厘嫁。優惠只適用5月15日至7月31日經手機開戶的新客，存款額上限為5萬港元，即可賺息833元。

●恒生現金名額夠多

恒生銀行(00011)表示，登記「現金發放計劃」並成功收取款項存至合資格戶口，該行將隨機選出共9,005名客戶可有現金獎賞，不過，1萬元名額只有5個、20元名額則有9,000個。

●渣打客有機會多一倍現金

渣打表示，市民於今年8月15日前登記計劃並成功收到款項，有機會贏取額外1萬元現金獎。該行會於6月21日至8月15日期間，每星期會送出3份1萬元現金。總共8個星期，即係有24位幸運兒可以有2萬蚊。

●中銀新客定存息有4.3厘

由即日起至8月31日，全新中銀客戶成功透過手機應用程式開戶，並透過該行帳戶收1萬元，經手機或網上銀行開立港元定期存款，定期利息可達1,075元。值得留意，以上定存限於10萬元，並開立3個月定期存款，年利率為4.3厘。

此外，該行將推出信用卡簽帳優惠，由7月至9月，以中銀信用卡作合資格簽帳交易，可有達1,500元現金回贈。

－－－－－

Sakura Global專營海外房地產，大量海外一手項目及租務管理、海外升學和多國移民服務、一對一服務！

請即致電：5133 0626

【仲等咩？】最強炒股神器《東網Money18》APP已全面升級，新增多項新功能，助你投資理財、揀股問股！即刻click入 http://on.cc/redirect/money18 下載安裝！

on.cc東網