【股民熱話】手持滙豐股份 如今有三個選擇…
20200924
東網電視
更多新聞短片
呢期頭號「股民熱話」，非滙豐控股(00005)莫屬。周三(23日)滙豐股價一度失守2009年的「世紀供股價」，唔少當日有參與供股的股民都傷透了心，沒料到持貨逾10年，呢項藍籌股投資會落得如斯田地！
那到底作為小股東，如今應該如何是好？
第一個選擇，當然係哀莫大於心死，沽貨斬斷關係，套現另選個股。以後大笨象是生是死，都唔再關自己事，反正中美之爭下，呢隻股有排愁！
第二個選擇，繼續持有，同佢鬥長命，樂觀地預計，博全球經濟疫後復甦，滙豐明年起將恢復派息。
第三個選擇，係繼續持貨之餘，趁低溝貨。當然，呢個選擇，又涉及兩個問題，就係咩位溝貨，同埋溝幾大注好？呢個選擇，無錯係可以降低平均持貨價，博股價稍後反彈可以蝕少啲，但主要風險就係股價反彈無期，結果愈溝愈「淡」，愈蝕愈多。
老實講，有追開帥哥呢個專欄，都知道筆者早叫大家有貨好落車，如今呢一刻都仲揸住的話，都只有怨自己未有因應個股基本因素變化而執行風險管理。如果自問滙豐再跌落去都冇所謂，反正係一份情意結，又或者條氣唔順，當撇了帳，落到呢啲位唔會沽，那繼續大堅持，都是個人選擇。但就要有心理準備，若集團業務再差落去，盈利同派息未必能回復往昔，更有機會隨時再來供股伸手，如是者，應該自問係咪要義無反顧繼續持貨。
其實繼續持貨與否，其中一個重要考慮因素，乃中美之爭將屬長期性，滙豐作為一家如此大型的全球化金融企業，以及其獨特的歷史背景，容易成為兩方的制裁目標。即使集團擬檢討架構適應反全球化趨勢，不會是一、兩年可以做到的事。繼續持貨，要有長期作戰和繼續「捱打」的心理準備。再講，如今中、港兩地乃集團主要收益來源，但兩者的經濟皆存重大不明朗因素，繼續守下去，資本的機會成本損失有多大，都須作深思。
講到尾，冇貨唔好多手；有貨就唔好輕率溝貨；去與留需要作理性分析，並做好風險管理，謹記投資最忌「鬥氣」！
東網財經專欄作者 帥哥
－－－－－
限聚令放寬後湧現報復式消費，生意轉守為攻，擴充良機！
《香港信貸》上市公司，提供多元化低息貸款服務，只須一個電話，滿足您各種資金需要。
‧物業一按二按‧公居屋貸款
‧業主私人貸款‧中小企貸款
查詢：2525 3535
WhatsApp：https://wa.me/85293210040
忠告：借錢梗要還，咪俾錢中介
放債人牌照號碼 : 香港信貸財務有限公司1065/2020；香港信貸(私人貸款)有限公司0336/2020
【仲等咩？】最強炒股神器《東網Money18》APP已全面升級，新增多項新功能，助你投資理財、揀股問股！即刻click入 http://on.cc/redirect/money18 下載安裝！