【專家點評】古勝：低吸中移動　睇實呢個位？

港股跌穿早前的橫行區間後，調整速度加快，尋日(24日)即市一度跌逾500點下試23,200點水平，收市跌幅收窄至431點，收報23,311點，成交額略增至1,171億元。目前大市利淡消息眾多，又即將踏入傳統股災月，加上美國總統大選年向來有「10月驚奇」之說，睇嚟港股進一步向下的機會率頗高，若然23,000點守唔住，隨時試埋5月25日低位22,500點水平。

不過，話說回頭，近日持續有熱錢流入香港，或與10月初上市的螞蟻集團有關，反映港股仍有利好因素值得期待。對進取者來說，是次調整或是一次吸納機會。

當中較穩陣的選擇是中國移動(00941)，該股受惠5G加速推行，料可增加收入。近日內地發改委又再出文件籲加大5G建設投資，加快5G商用發展步伐，對推廣5G上客量有利。該公司早前公布，8月份5G上客量增速加快，單月增1,410萬戶，目前5G套餐客戶數達9,815.7萬戶。

再睇走勢，中移動昨跌近2%，收市跌穿50元收報49.95元，本周已連跌4日，向下趨勢明顯，頗大機會回補3月19日至20日的上升裂口即48元水平，進取者可於該水平收集，向上阻力位為53元，收市價跌穿45元止蝕。至於保守者，可待其喘定再行事。

東網財經專欄作者 古勝

－－－－－

限聚令放寬後湧現報復式消費，生意轉守為攻，擴充良機！

《香港信貸》上市公司，提供多元化低息貸款服務，只須一個電話，滿足您各種資金需要。

‧物業一按二按‧公居屋貸款

‧業主私人貸款‧中小企貸款

查詢：2525 3535

網址：https://bit.ly/2Xvlfys

WhatsApp：https://wa.me/85293210040

忠告：借錢梗要還，咪俾錢中介

放債人牌照號碼 : 香港信貸財務有限公司1065/2020；香港信貸(私人貸款)有限公司0336/2020

【仲等咩？】最強炒股神器《東網Money18》APP已全面升級，新增多項新功能，助你投資理財、揀股問股！即刻click入 http://on.cc/redirect/money18 下載安裝！