致富智庫:3女兒身家逾3900億!「硅谷教母」5大育兒秘訣係...

2020年10月17日 12:00
東網電視
更多新聞短片
(Getty Images圖片)
為人父母都希望子女成才,盼「贏在起跑線」,但就唔覺意之下做咗「虎爸虎媽」而不自知。其實,每位小朋友都係一個獨立個體,要花心機培育,不妨參考有「硅谷教母」之稱的Esther Wojcicki的育兒心得。
Wojcicki是一位資深教育學家、記者及超級媽媽,著有《養出內心強大的孩子》(How to Raise Successful People),呢位媽媽嘅三位千金都係社會上嘅尖子,包括Youtube行政總裁Susan Wojcicki,醫學人類學家及流行病學家Janet Wojcicki,以及頂尖基因公司23andMe創辦人兼有「女版喬布斯」之稱的Anne Wojcicki,三位千金身家合共超過500億美元(約3,900億港元),更曾登上《時代》雜誌,分享佢哋媽媽嘅教育哲學。此外,美籍華裔籃球員林書豪亦曾係Wojcicki嘅學生。
至於教育孩子嘅方法,Wojcicki主張5個核心價值,亦即是「TRICK」──信任(Trust)、尊重(Respect)、獨立(Independence)、合作(Collaboration)及善良(Kindness)。
●信任
在「直升機父母」(意即雙親過分溺愛子女,令他們成長後亦過分依賴父母),或是虎爸虎媽教導下長大嘅孩子,通常自信心不足。至於家庭背景不好,或是天性懦弱嘅孩子,亦很容易感到自卑,甚至失去自我。
Wojcicki認為,要幫助呢類孩子,父母應好好聆聽對方嘅心聲,令孩子知道父母係尊重並信任佢哋。在取得孩子信任後,就可讓孩子找出自己所愛嘅事物,並喺佢哋遇到困難時給予鼓勵,慢慢建立孩子自信心,變成一個正向循環。
●尊重
Wojcicki三位千金雖然成為社會上成功人士,不過Wojcicki從來無要求女兒應該做啲乜,或成為一個點樣嘅人,佢會尊重孩子嘅每個選擇,鼓勵佢哋追隨自己內心嘅熱誠,做佢哋想做嘅事。
Wojcicki座右銘係「唔好將孩子當孩子,喺佢哋仲細嘅時候,就應該要求佢哋好似大人一樣做事,畀佢哋責任,佢哋先能夠不斷超越自己。」
●獨立
讓孩子獨立自主,培養佢哋解決困難嘅能力。孩子為了熱情、想得到比快樂更高境界嘅「喜悅」,佢哋就會在那個領域成為快樂但傑出嘅人。
●合作
信任與合作息息相關,Wojcicki主張畀孩子參與決策過程,佢哋就有機會建立對自己嘅自信。即使孩子做得唔好,父母都應該講「唔緊要,我哋再做一次」,而唔係怪責。而當孩子覺得自己得到父母信任時,佢哋就會傾向於相信自己,從而獲得勇氣及毅力。
佢又以自己子孫為例,喺一次家庭度假中,Wojcicki嘅女兒就為孩子花太多時間於手機上而感到沮喪。不過Wojcicki就建議,應該放手畀孩子制訂一些規則,然後大家互相合作去遵守,最後竟然發現孩子所訂嘅規則比成年人更為嚴格得多,決定由早上9時至晚上9時都唔可以用手機。
●善良
Wojcicki認為,孩子通過榜樣學習,特別是在善良方面,如果父母係友善,孩子就會複製父母嘅友善,而每日保持善良,如在雜貨店結帳時向收銀員打招呼,呢啲都係塑造社區意識和善良嘅表現。
總括而言,以上5大原則環環緊扣,Wojcicki主張要畀孩子做佢哋覺得快樂嘅事,而唔係迫佢哋做唔鍾意嘅事。其實相關理論,都可以應用在職場上。Wojcicki話快樂比傑出更為重要,佢見過咁多位百萬富翁,當中只有少數感到快樂,反而一個快樂而傑出嘅人,通常擁有足夠嘅財富,因為佢哋嘅欲望係有節制,咁先會活得充實,心靈亦會富足起來。
不過,快樂嘅定義太過模糊,Wojcicki就認為父母最需要,亦是唯一需要的心理素質,就是「耐心陪伴」!
-----
星之谷帶您品味英倫,飽覽藍籌發展商Berkeley Group一系列優質樓盤,並透過 “Virtual Tour” 恍如置身到精品公寓及獨立屋睇樓,歡迎登記預約查詢。
查詢:23383021
Whatsapp:97273299
【仲等咩?】最強炒股神器《東網Money18》APP已全面升級,新增多項新功能,助你投資理財、揀股問股!即刻click入 http://on.cc/redirect/money18 下載安裝!