防疫令兩地農曆新年氣氛失色 專心炒股搵錢留意咩冧巴?

20210115
東網電視
更多新聞短片
尚有不到1個月,就到農曆新年。由於內地的疫情反彈,官方和企業都不主張勞工回鄉過年,以減少春運期間人群聚集加劇感染。至於香港,疫情也如「幽靈」不散,港府正研究新禁聚措施。可以預見,今個農曆新年,兩地都冇咩過年氣氛,大家都在為今年的經濟復甦未到位苦惱。
正正由於經濟層面如此多不明朗因素,相信內地當局將會加大力量支持資本市場表現,透過頂住資產價格,來穩定消費信心及內部需求,否則景氣只會更加之差。再者,首季又係兩會召開的時候,此前維穩也是常見情況,故預期首季整體內地股市最多只係上落,唔會大跌。香港既然是境外中國資產定價中心,理論上都係跌不得,見到近期北水不斷湧入,好友順水推波助瀾,港股呢浪唔使咁快估頂。
想發個新年財,有咩股票好買?上周筆者提過,可以留意傳統股,如本地銀行股及地產股,有貨可以繼續持有。此外,之前筆者提及的吉利汽車(00175),經已開咗轉快車,中線相信唔止呢個價,短線整固後仍可期待。
至於其他目標,上周筆者仲講緊科技股有排煩要避一避,惟近周考慮到內地疫情變化、美國政局底定,以及美國放生幾家大型中資科技巨企,短線氣氛有所改善,故決定調整策略,重新關注科技股板塊。
當中,聯想(00992)擬往A股科創板上市,股價應該仲有得炒,可以趁回到8港元水平分注吸納,首季應該會有好表現,主要支持大位在7.8元。
不過,論股膽,還是不少得騰訊控股(00700)。早前關於美國擬制裁的消息,股價震到落520元,但大撼大過後,如今股價已重上620元,好友佔上風已沒懸念。內地金融科技監管收緊係大趨勢,但阿里巴巴(09988)行頭已擋咗大部分暴風,騰訊「聽聽話話」應該唔會有咩大差池,再加上美國暫不考慮制裁,好友歸位亦符合情理。
事實上,若睇好首季中港兩地市況,騰訊呢隻重磅股還是不可忽視。不過,唔好問咩位入得,反正真係有心買,較務實做法係見回吐就分注入,攞個平均價,主要支持位參考喺560元。
東網產經專欄作者 帥哥
--------------------------
【經濟受疫情拖累,反而更需金融機構,提供彈性融資渠道!】
香港信貸大額貸款,可無限次循環使用,用先計息,較銀行貸款更靈活。
《香港信貸》扎根香港廿四年,上市公司,專業可靠。
一個電話,滿足您資金需要。
.物業一按二按.公居屋貸款
.業主私人貸款.中小企貸款
查詢:2525 3535
忠告:借錢梗要還,咪俾錢中介
放債人牌照號碼:香港信貸財務有限公司1065/2020;香港信貸(私人貸款)有限公司0336/2020