北水狂吸港股 股民對策只有一個...

20210120
東網電視
更多新聞短片
北水南來量持續增加,昨日(19日)港股通淨流入金額又創新高。大量「北水」湧入,港股呢期真係水頭充足,短線淡友只有繼續捱打,所謂「好漢不吃眼前虧」,最好別與「銀両」對着幹!
其實,喺內地資金眼中,港股既有逾70%市值來自中資企業股,但估值卻長期偏低,並不合理,來港大炒一轉只係時間問題,關鍵當然係要官方監管首肯。到近期中美關係緊張,特朗普「臨別秋波」頻頻向中國企業祭出「制裁牌」,想搞到香港雞犬不寧,目的打擊中國資產之效,故惹來內地官方開閘,默許北水南來挺住港股。就咁,成就呢個元月港股打破悶局,恒指眨眼又挑戰30,000點關。
好在筆者喺港股升穿28,000點之時,已提大家睇睇啲強積金,經得起股票風險投資的,應該可以增加進取基金的比重,相信依家帳面利潤唔錯。眼見港股係咁升,股民應該如何自處?筆者都係重申,資金市好難估頂,無謂同錢作對,就只有順勢做好倉,別急於估頂。
事實上,眼前北水南來,背負着政治任務,就係要協助維穩港股及中國資產價格。時值中國正積極開放金融業,若然中國資產價格大幅波動,如何說服更多外資投資中國?更何況,在中美金融戰下,美國正全方位阻中企在海外融資,若然港股有咩「冬瓜豆腐」,最傷的唔單只係香港,還有千千萬萬中國企業。
明白呢個大背景,有心理準備,誠如筆者早前所講,港股「轉莊」下,貨源盡入強者手,只係個「強者」,由外資轉咗做中資而已,且平常心看待「睇場」換班!若然內地資金以炒A股的方式炒港股,相信未來會有更多股票會升到你唔信。
但當然,大家要求神拜佛保佑中國經濟一帆風順,否則中資有咩大問題,港股難望好似以前咁,按市場機制自行修復估值翻身,皆因北水炒作風尚以「狠」見著,炒會炒到癲、炒到爛,跌起來都係無譜,之後得靠「國家隊」入場執爛攤子。但與A股得單邊做好冇得大手沽空唔同,到底呢次港股「瘋狂派對」到底會點結局,他日想大手沽空做淡者,會唔會換來危害某些「安全」的罪名,筆者都冇水晶球,亦唔願多想。
反正「世事如棋局局新」,如今全世界都進入瘋狂歲月,今朝有酒今朝醉。畢竟人家炒到㷫烚烚,叫人冷靜等如阻人發達,係大罪!只有叫大家量力而為,保持警惕,至緊要識得喺呢個超級音樂椅遊戲停止音樂前,搵到張櫈仔坐。謹記離場時,成功袋到幾多走,先至叫贏...
東網產經專欄作者 帥哥
--------------------------
【經濟受疫情拖累,反而更需金融機構,提供彈性融資渠道!】
香港信貸大額貸款,可無限次循環使用,用先計息,較銀行貸款更靈活。
《香港信貸》扎根香港廿四年,上市公司,專業可靠。
一個電話,滿足您資金需要。
.物業一按二按.公居屋貸款
.業主私人貸款.中小企貸款
查詢:2525 3535
忠告:借錢梗要還,咪俾錢中介
放債人牌照號碼:香港信貸財務有限公司1065/2020;香港信貸(私人貸款)有限公司0336/2020