古勝：福萊特玻璃吼低位買

在一眾科技股帶動下，周一(25日)港股升逾700點收報30,159點，成交金額達2,869億元。坦白講，恒指短短一個月升約3000點，以往並唔係未試過，但喺疫情肆虐、環球亂局之中，難免令人如墜雲霧，睇唔清前路。不過傳統話「有智慧不如趁勢」，大市要升千祈唔好擋路做淡，但做對沖另計。

而喺最近呢段時間，相信大家諗得最多嘅係唔夠貨，又或者睇住一眾科技股狂升、而自己手貨升得慢。老古當然明呢種感受，對於覺得唔夠貨的朋友，老古奉勸追貨記得要定止蝕位；而對覺得「隔離飯香」的朋友，如手上持倉質地唔差，咁一動不如一靜，反正資金輪動之下，總有一日會炒到。依家風高浪急，最緊要平復心情，切忌影響到日常生活。

個股方面，屬於新能源的太陽能玻璃股大炒特炒，當中的福萊特玻璃(06865)升勢耀眼，值得留意。先睇大行花旗報告，該行引述大宗商品數據機構卓創資訊(SCI)料，今明兩年太陽能玻璃大致供求平衡，價格大致穩定，料可受惠成本優勢及產品需求增加。因此，花旗維持看好福萊特玻璃及信義光能作為行業雙頭壟斷者、中期具高產能增長及可持續毛利率。該行上調福萊特玻璃明年盈測25%，並上調福萊特玻璃H股目標價15%，由37.5元升至43元；而該行更偏好福萊特玻璃，認為其具較大盈利增長空間，估值亦較信義光能低水。

最後睇走勢，福萊特玻璃1月初高見40.05元後調整，暫時於1月15日的28.9元見支持。不過參考去年10月初見28.6元高位後，經過兩個多月的整固才於1月初再創高位。料其最近或於30至34元之間上落整固，可吼低細注入市，上望阻力位40元，向下跌穿28元止蝕。

東網產經專欄作者 古勝

--------------------------

【經濟受疫情拖累，反而更需金融機構，提供彈性融資渠道！】

香港信貸大額貸款，可無限次循環使用，用先計息，較銀行貸款更靈活。

《香港信貸》扎根香港廿四年，上市公司，專業可靠。

一個電話，滿足您資金需要。

．物業一按二按．公居屋貸款

．業主私人貸款．中小企貸款

查詢：2525 3535

網址：https://bit.ly/2Xvlfys

WhatsApp：https://wa.me/85293210040

忠告：借錢梗要還，咪俾錢中介

放債人牌照號碼：香港信貸財務有限公司1065/2020；香港信貸(私人貸款)有限公司0336/2020