黃詠欣:樓市小陽春 入市前有咩注意事項?

20210219
東網電視
更多新聞短片
樓市小陽春今年提早在農曆年前已經出現,買樓當然是開心事,若然已經遇到心儀單位正準備落訂,今日想提提大家在落訂前要注意的事項。
首先,筍盤的確是手快有手慢無,為免錯過心儀單位,一連追幾口價並不出奇,不過切記要先問一問銀行估價,以免過分進取,追價追到遠超銀行估價。一般來說,成交價與銀行估價上下差距不多於10%,才是銀行做按揭時可以接受的水平。如高出估價太多,銀行或未能批出足額按揭,低估價太多銀行都會懷疑單位會否有一些潛在未知問題。因此,若果有目標屋苑最好預先在網上就不同座向單位查一查初步估價,鎖定目標,再致電銀行或找專業人士幫忙提供最新最貼市估價,便買得放心。
此外,樓市暢旺,又加上連續多天的公眾假期,銀行審批過程或有機會需時較長。留意4月初也有一個長假期,近日簽約的話,記着要預留較長的成交期,會較為穩妥。即使只是想做預先評估,都記得要預留多一點時間,或是找專業人士幫忙,便不用擔心審批時間過長而錯過心儀單位了。
最後再祝大家牛年升級做業主,有樓的朋友,今年成功樓換樓,股樓皆旺。
利嘉閣按揭代理董事總經理 黃詠欣