滙豐銅獅重光真係轉運?內銀與大笨象 收息揀邊個?

2021年02月24日 08:00
東網電視
更多新聞短片
(中新社圖片)
滙豐控股(00005)公布,去年列帳基準稅前利潤87.77億美元,按年倒退34%,業績勝預期;且一如市場預期宣布回復派息,每股現金0.15美元。消息公布後,周二(23日)其股價一度升至49.5港元,後現獲利回吐,收報46.7元,升0.4%。
話時話,大家覺唔覺,滙豐自去年10月中環總行門外一對銅獅重光後,好似否極泰來,股價脫離低谷,由30元水平反覆回升至接近半百大元,至少見番去年3月水平;而長期捧場的股民最重視的股息,如今亦已重新派發。雖然集團尚未復派季息,但表明今年8月會考慮是否派發一次股息,那總算是漸上正軌。
那到底現價的滙豐,是否值博?同是收息,買內銀好定買滙豐好?呢個係唔少股友都想知道的問題。筆者認為,滙豐雖已過最壞時刻,但業務復甦尚未算太樂觀,尤其是今年全球經濟復甦尚未太明朗,加上拜登主政下中美關係尚不無變數,滙豐的身份仍然是「裏外不是人」,地緣政治有咩風吹草動難免當災。再講,滙豐的全球化定位,有需要因應全球產業供應鏈改變及數碼化大趨勢來一次大改革,甚或應研究遷冊回港、分拆亞洲或大中華區業務,否則資產價格體現將繼續受到限制。
至於內銀,不少息率比滙豐吸引,而風險因素較單一,就係中國市場風險,但另一角度看,內銀的風險因素是相對可控的,加上具有人民幣資產概念。故整體上若論收息和穩陣,幾大內銀股應該仍勝滙豐,除非滙豐真係下決心進行大重組,才有望引發大型重估潮。
東網產經專欄作者 帥哥