科技股抖氣 舊經濟股接力 留意呢3個冧巴…

20210304
東網電視
更多新聞短片
港股日升日跌,老散呢期都有啲無所適從。畢竟恒指3萬關係一個大位,整固過後確認再度起航的話,將會是大牛市的來臨,此前有一番好淡爭持,該是預期之內的合理發展。近日明顯見到資金流出科技股,轉炒舊經濟股。昨(3日)炒內地兩會期間或傳來定向降準的消息,令內銀內險股紛紛炒起,4大內銀股升幅介乎4至6%。
老實講,筆者始終認為,舊經濟股的升幅難與新經濟股比較,亦相信科技股只係短期調整,而唔係玩完。在這個大前提之下,對於舊經濟股,緊跟短期資金流向炒作並無不可,但主要以短線為主,瞓身重倉舊經濟股,筆者始終有啲保留,皆因今年全球經濟復甦仍充滿變數,舊經濟股經歷一輪反彈過後,最終表現還要視乎大環境是否有利經營表現持續復甦。
太長遠的都係免諗,短線跟炒,有咩冧巴可以留意?可以留意3隻個股,分別是海螺水泥(00914)、馬鞍山鋼鐵(00323)及聯通(00762),前兩者都係炒物價上升通脹概念,其中近期內地水泥價格淡季不淡,海螺股價相對落後,可以望多兩眼。馬鋼短線企得穩2.6元樓上仲有得去。至於聯通,上月初再成功考驗4.2元水平承接,近日已反彈至5.2元水平,短線若能以大成交抽穿5.5元,呢浪應可反覆向去年8月高位6.7元水平進發,睇位小注操作未嘗不可。
東網產經專欄作者 帥哥