香港派電子消費券　成數碼港元預演？

金管局周二(8日)公布「金融科技2025」策略，當中提到開始研究本地零售港元數碼貨幣，並會繼續與中國人民銀行合作，就數碼人民幣在香港進行技術測試。咁啱嚟緊港府要推出電子消費券，不派現金。有口痕股友話，唔知係咪想為推出數碼港元做預演呢…

老實講，派現金，大家可以點用就點用，而且之前已經派過，存款交收都有晒經驗，唔使夾咁多嘢。如今港府係都要推電子消費券，其實就類似電子紅包咁，限住邊啲商店可以用，又真係有幾分似另有目的。

目前數碼人民幣在內地多個城市行測試，由於有限量，故要抽中先至會獲發數碼人民幣紅包，可在指定商店消費。

若然數碼貨幣係大趨勢，照計大家選股，都可以多在呢方面着眼，照計類似香港電訊(06823)及電訊盈科(00008)，又有高息，又係呢個浪潮的受益者，進可攻，退可守，可以多望兩眼。

東網產經專欄作者　帥哥