港交所上市21周年　點解個蛋糕睇得唔食得?

香港交易所(00388)上市21周年誌慶活動因應新冠肺炎疫情而閉門舉行，仲好守規矩，跟足防疫安排，就連大合照都維持社交距離，認真抵讚！

絲絲無份去現場，但網上睇住直播都感受到歡樂嘅氣氛。事關港交所團隊落足心機，即使新冠肺炎疫情下，無得齊齊食蛋糕，不過就設計咗「21周年生日AR蛋糕」，符合港交所擁抱科技嘅精神。同時首播全新企業短片，展示互聯互通、可持續發展等對香港金融市場未來發展嘅重要性。

不過港交所周三(16日)嘅股價似乎唔多贈興，收跌0.17%，報463.6元。