新鴻基公司提供機票住宿予打疫苗職員抽獎

新冠肺炎疫情令出行受限，雖然仲未可以完全通關，但新鴻基公司(00086)就已經準備咗機票、酒店住宿、餐廳禮券作抽獎禮物畀8月底前打齊2針新冠疫苗嘅全職員工，睇嚟公司對通關嘅欲望好強烈！

公司準備咗86份獎品，包括雙人機票及萬豪倫敦格羅夫納廣場酒店、索菲特巴黎法布格酒店、黃金海岸洲際神仙灣度假酒店、降靈群島海曼島洲際度假酒店嘅住宿；香港瑞吉酒店住宿套餐，以及香港諾富特世紀酒店意大利餐廳Pepino嘅餐飲券，價值超過50萬元！根據公司2020年年報，截至2020年12月底止，員工總數有2,219人，假設全部員工都打晒疫苗，中獎率都有成3.87%。

唔講唔知，新鴻基公司原來有投資酒店業務，不如大家又估吓邊間酒店先係佢哋有份嘅？畀少少貼士大家，嗰個地方有衝浪者天堂嘅美譽。