員工制服趨向Smart Casual　呢間銀行件新裝係咁...

潮流興簡約，中銀香港(02388)亦引入新嘅Smart Casual制服，分行前線着制服嘅員工會每逢星期五、六換新裝，由平時嘅恤衫西褲配皮鞋，就改頭換面變成一件灰色嘅Polo Shirt，再加條黑色嘅休閒直腳長褲。

用料方便都幾有研究，係用咗免熨嘅透氣布料，除咗着起上嚟透氣啲、舒服啲之外，最重要係唔使熨都挺身，該行指，新服務就較正式制服容易清洗，有助實踐佢哋綠色採購嘅理念。

換新衫之外，中銀香港都係分行引入自助化智能設備，俾客戶以自助形式處理開戶、更改密碼及更新客戶資料等交易，可以減少過程中浪費嘅紙張，以推行環保。