ERROR首度聲演動畫 邊間公司請到宇宙天團?

2021年07月22日 17:10
東網電視
更多新聞短片
宇宙天團ERROR落力配音
漫畫《100天後就會死的鱷魚君》喺日本爆紅,仲吸引本港動畫及品牌授權代理公司羚邦集團(02230)發行電影版《鱷魚君最後的100天》,而粵語同日語版將會同步上映,而粵音版仲會有彩蛋!
事關羚邦搵嚟「宇宙第一男子天團」ERROR聲演粵語版,亦係ERROR首個配音長篇動畫,以「ERROR 流」重新演繹呢部人氣動畫。除咗喺笑聲中,陪鱷魚君走過仲活著嘅每一天之外,話畀大家知「在每一個今日,好好活在當下」,貫徹天團ERROR透過歡笑,不經意帶出嘅人生哲理。
今次由隊長肥仔(梁業)擔大旗,聲演主角鱷魚君,而ViuTV一哥何啟華(阿Dee),以及有「快吞轟」稱號嘅保錡(吳保錡) 分別飾演鱷魚君嘅好老友灰鼠和阿鼴。至於手長腳長嘅193(郭嘉駿),就飾演喺動畫版先有嘅全新角色青蛙,襯到絕啊!
至於部動畫講啲咩,絲絲就唔劇透了,留返大家自己去睇啦!
另外,香港動漫電玩節相隔兩年再度舉行,羚邦今年將會繼續參展,仲會獨家販賣《鱷魚君最後的100天》限量電影T-shirt。