恒大「爆煲」分分鐘累滙豐員工花紅縮水？

內房企業恒大集團近日債務危機浮上水面，外界關注各間大行手頭上揸住幾多恒大債或者其他有關資產。

晨星數據顯示，7月左右滙豐的亞洲高息債券基金都有份「撈底」恒大債券。外媒報道稱，滙豐持有恒大2.069億美元的債券，再加上滙豐之前有為買咗恒大物業嘅買家提供按揭貸款，而且喺中港兩地嘅房地產行業有更廣泛的敞口。不過，滙豐並非唯一一家與恒大有關嘅銀行。

而隨着恒大「爆煲」，滙豐控股(00005)股價由5月以來已下跌21%，進一步削弱分紅能力。滙豐銀行2020年的薪酬報告顯示，投行人員仲有1.84億美元嘅未投資滙控流通股。

最慘嘅係，滙豐銀行的銀行家和交易員舊年開始已經呻獎金奀，該銀行的高層在2020年獎金下降了11%。因此，外媒早喺3月份就估計，即使係表現出色嘅員工最後一輪獎金一樣面臨縮水。今次經過恒大一役，份獎金可能凍過水。

不過，好彩嘅係，滙豐今年上半年將其投資銀行的獎金池增加了3億美元，內部員工就希望其中大一部分係以現金支付。