金風科技董事囡輸1000大元 何解要出致歉公告?

2021年10月14日 18:44
東網電視
更多新聞短片
分別喺香港同深圳上市嘅公司新疆金風科技(02208)剛剛出咗一張罕見嘅通告,就係〈關於董事親屬短線交易及致歉的公告〉。到底係乜嘢一回事,搞到要致歉呢?
事緣係,公司收到董事魏煒通知,話佢千金炳家昱(粵音:郁)分別於今年9月15日及10月13日買賣公司A股股票,構成短線交易行為。睇到呢度,你係咪覺得好大件事喎,董事親屬交易股票喎,等等,睇埋個銀碼先。
通告話,炳家昱於9月15日買入公司300股A股,均價係18.86元(人民幣‧下同),交易金額5,658個大元,尋日「因操作失誤」將股票賣出,均價得返15.47元,屈指一算,呢次交易虧損1,017元。
根據內地《證券法》第44條規定,公司應沒收炳家昱女士違法所得,但本次誤操作未產生收益。句子仲帶住淡淡的哀愁。
不過,金風亦都補充,截至披露日(14日),炳家昱未持有公司股票。