張華峰：最開心幫到業界　未獲入大灣區感遺憾

周三(27日)開完今屆立法會會期最後一個會議，意味着今屆立法會議員畢業啦！人稱肥老闆嘅金融服務界立法會議員張華峰就有啲感觸，事關佢講到牙血都出埋，香港證券業界仲未可以進軍內地市場。

肥老闆一直都希望港府可以帶領香港券商進軍內地市場，特別讓業界喺粵港澳大灣區設立辦事處，為內地投者資提供優質服務，可惜有關倡議遲遲未有落實，局限咗業界發展。佢就講到明，希望政府可以多啲嚟、密啲手咁同內地部門溝通，等業界可以早日拓展內地市場。

雖然任內有少少遺憾，不過佢本身好努力為證券業界爭取權益。例如港府「防疫抗疫基金」資助、「金融服務業創職位計劃」等，仲有上個月聯交所減免對中小券商的收費。佢就話，最開心可以切實咁幫到證券業界經營、維護香港國際金融中心的地位，「幫到手」就係工作最好回報。

至於對業界日後發展點睇？肥老闆就希望，金融服務界未來有更廣闊嘅發展前景，大家一齊努力！