Mirror成員Ian殺入「元宇宙」　潮玩NFT頭像

香港人氣男團Mirror成員之一、前排球港隊成員陳卓賢(Ian)，唔止唱歌跳舞同打排球，今次仲玩埋NFT(非同質化代幣)！事緣佢近排將社交平台嘅頭像轉咗做一隻戴Cap帽、起晒格嘅猴頭。原來呢隻猴有段故㗎，佢係亞洲NFT賣嘅藝術品嚟！ 猴頭就以「亞洲著名猴子」孫悟空作為藍本，背後嘅發行公司叫「MonkeyKingdom」，係針對亞洲市場嘅區塊鏈NFT，佢用緊嘅區塊鏈Solana，號稱「以太坊殺手」，係以太坊網絡較小規模的競爭對手。 根據MonkeyKingdom嘅介紹，今季用戶電子銀包入面每儲滿3隻「悟空(Wukong)」就有一隻「女悟空」回贈，今個月仲會搞元宇宙聖誕Party添。到農曆新年仲會有元宇宙「猴王廟」開張，而到出年第3季「花果山(MonkeyKingdom)」就會正式開國！ 其實唔止係Ian，呢般元宇宙風潮係由台灣打過嚟，好多台灣藝人都將社交平台嘅頭像轉晒，一於曬吓自己嘅數碼珍藏。