送貨平台Lalamove「踩過界」辦網上花市

2022年01月21日 16:00
東網電視
更多新聞短片
新冠變種病毒Omicron殺到,令年宵、花市等農曆新年活動被迫取消。送貨平台Lalamove就踩過界,周五(21日)起至1月31日舉辦網上花市,希望為受影響嘅花農提供銷售渠道咁話喎!仲提供額外宣傳推廣同度身訂造送貨服務,並邀請廣大市民齊齊撐本地花農!新年氣氛「拿拿聲」直送屋企,另設有優惠碼兌換運費折扣優惠券。
Lalamove夥拍多家本地花店及花農賣各種年花,傳統賀年年花、現代花藝設計等任君選擇。消費者透過網上選購偉財記、竣誠花藝、強記花園、Foliagestore拾葉、秀麗園,以及千葉園的出品,Lalamove會直送年花到屋企;永發農場、日本千葉園、華利園,以及鴻軒園藝工程則須親臨選購,花店則可以代Call Lalamove。
Lalamove香港區總經理周嘉健表示,疫情令各行各業都面臨著經營壓力,公司希望透過舉辦網上花市支持本地花農,為他們開闢收入來源,令佢哋成年嘅心血唔會付諸流水,一齊走過逆境。同時藉此為社會帶嚟正能量,分享新年喜悅、送上祝福。