香港金融大會堂換新裝 周五搞實體上市儀式

2022年06月22日 17:35
東網電視
更多新聞短片
香港金融大會堂今年換咗新衫,聽聞多咗唔少「打卡位」。香港交易所(00388)宣布,將會恢復實體活動,而本周五(24日)掛牌嘅網上物流平台快狗打車(GOGOX)(02246)將會喺新裝修嘅金融大會堂舉辦實體上市儀式,仲開放畀傳媒添!
由於新冠肺炎疫情,港交所2020年開始暫停新股上市儀式,曾一度閉門復辦。對上一次嘅實體上市儀式,已經係去年10月掛牌的譚仔國際(02217),同樣採用閉門形式進行,不設傳媒採訪,亦設有人數限制。
為保障嘉賓、員工健康,港交所要求所有嘉賓及訪客預先登記,仲會實施人數限制等適當措施,確保活動可以順利進行。基於作為活動場地,入場人士都必須使用「安心出行」及「疫苗通行證」,仲要做「一線人士」,即係持有同日陰性快速抗原測試結果。
明嘅,開心之餘都要做好防疫措施,唔係變咗「港交所群組」就弊!絲絲恨參觀新裝修嘅金融大會堂好耐,機會終於嚟啦!答應大家,到時會影多幾張靚相,等大家都欣賞下新裝修!