m18講場：GOGOX首日掛牌　CEO開心到滿場飛？

本港起家嘅物流平台快狗打車(GOGOX)(02246)周五(24日)掛牌，聯合行政總裁林凱源(Steven)開心到滿場飛！佢話當年用2萬蚊港紙起家，一路默默做默默做，公司慢慢發展，進軍內地市場；又衝出香港，拓展至新加坡、越南等地，依加成功上市，開心到跳起！

其實開心嘅唔止佢一個，公司成班團隊都好開心，仲好團結添，齊齊着住公司T恤出席，以顯示公司具活力，又貼地嘅文化！

上市紀念品有睇頭！以往香港聯交所都係送銅牛，寓意着公司可以牛氣沖天，但由今日起，會轉用「鑼棒」，記住敲鑼一刻！Steven仲開心到拎住份紀念品係咁打卡添！GOGOX則送出公司模型車，做工都幾精緻㗎！