會計師公會推AR小遊戲 話你知會計師工作日常

2022年06月27日 17:39
東網電視
更多新聞短片
 
唔少專業行業都有層神秘面紗,外界無接觸嘅話都唔知份工到底做啲乜!例如會計師除咗要識計數之外,仲要具備其他技能。香港會計師公會為宣揚會計師喺職場上發揮專業所長,喺社交平台推出擴增實境(AR)小遊戲,讓大眾可以透過互動小遊戲了解會計師嘅日常工作,每星期最高積分的20位參加者,仲會有小奬勵添!
小遊戲入面有唔同任務,難度愈高,積分就愈高。當你以為計好盤數就可以拎到高分?少年太年輕了!查核帳目只係得3分咋,咁最高分係咩?指導下屬啊!睇清楚,係指導,唔係老點!其實幾有道理,一個人無論做得幾叻都好,每個人都得一對手,每日得24個鐘,生產力始終有限。如果教識下屬或其他團隊,變相多幾個能人可用,做乜都自然事半功倍啦!
留意返,落力做都好,記得唔好整壞電腦,否則要扣分架!唔知呢個扣分環節,係咪受到早前某間會計師行所發生嘅意外啟發呢?