m18講場：HKSFPA年度晚宴　做齊呢啲先有飯食...

香港證券及期貨專業總會(HKSFPA)基本上每年新一屆理事會履新後，都會舉行年度晚宴，讓業界好友開心相聚。不過，今年基於新冠肺疫情反覆，為免過多人聚集，特意分2晚舉行，最後一場於周五(2日)舉行。防疫意識充足，認真抵讚！

港府周日(8月28日)起要求食肆內多於8人共膳嘅食客，入座前須出示快速測試陰性證明。小記八到，HKSFPA行得仲前，建議參加晚宴嘅朋友，最好提供埋3日前快測陰性結果。點解？咪就係新冠變異病毒株有3日潛伏期囉，3日前都無事，應該都無事。

唔止咁啊，所有理事仲有「小型隔離令」，喺9月2日之前，一律避免出席大型聚會，以防萬一。咁多防疫措施，都係希望人人開心，費事搞出個「乜乜群組」啦，你話係咪先？