譚仔三哥搞選美　急call「三粉」投票！

本港連鎖米線餐廳譚仔國際(02217)旗下譚仔三哥早前近貼潮流，搞咗個「三哥砂砂小姐」選美大賽，三強名單終於出爐！不過，公司喺社交平台再發文搵幫手，急call「三粉」(即譚仔三哥粉絲)投票，揀出冠軍。

「砂砂小姐」除咗要得「三心」，仲要接受兩位資深三粉主持刁鑽提問，測試佢哋對「砂砂湯肥牛鹿茸菇米線「嘅了解。如果考煮藝，相信唔會考起一姐姐，但講到口才、知識、想像力同急才，唔知會唔會考起佢哋呢？想知三位佳麗有咩見解，可以留意公司9月5日及6日在社交平台上嘅「砂砂湯肥牛鹿茸菇米線冠名贊助：三哥砂砂小姐選美大賽」節目啦！

三強名單包括雙玉(藝名：牛玉)、玲玲 (藝名：砂砂玲子)，以及秋樺 (藝名：鹿茸姑娘)。佢哋除低口罩，揭開神秘嘅面「砂」同大家見面。投票將於9月8日截止，結果會喺9月13日公布。