送暖土耳其！GOGOX兩日獲近200箱物資　義工團隊忙分類包裝

土耳其發生大地震，坊間唔少機構響應土耳其駐港領事館呼籲，自願收集物資。物流平台GOGOX(快狗打車)(02246)喺過去嘅周六、日(11至12日)擺街站，據悉接收近200箱物資捐贈，香港真係好多有心人！

GOGOX喺過去兩日，分別喺西營盤、大埔、屯門及大圍擺街站，而觀塘啟祥道嘅GOGOX夥伴服務中心則變身為「物資集中中心」，存放物流單嘅物資，仲為捐贈者提供一半物流津貼，可謂出心又出力。公司義工團隊正努力將物資分類同包裝好，務求將所有熱心人士嘅心意，盡快送達土耳其！

雖然天災無情，但人間有愛。無論係捐贈物資嘅好心人，定係放棄周六日假期嘅義工團隊，小記見到嘅係滿滿嘅愛！除咗感謝各位，仲好Respect，亦祈禱救援行動會有更多好消息傳出。