m18講場：50年執業會計師　見證香港國金中心發展

今年係香港會計專業人士獲頒授執業證書50周年，會計及財務匯報局(會財局)作為發出執業證書機構，周四(2日)特意舉辦慶祝茶會，同部分持有執業證書50年嘅會計師齊齊

紀念呢個重要里程碑。

唔講唔知，原來全港持有執業證書50年嘅執業會計師只有26人，今次出席茶會嘅則有10人。會財局主席黃天祐形容佢哋係會計業翹楚，認為其敬業守業、敢於擔當，且專業盡責，使會計業成為香港發展成國際金融中心的穩固磐石。他們對會計嘅熱愛，仲為會計專業人士帶來啟發同推動作用添！

金融業離不開專業服務，會計界別亦是重要一環，香港能夠成為國際金融中心，當中少不了佢哋嘅努力，真係「香港勝在有你」。

黃天祐又指，確保會計業的健康以及可持續發展係會財局嘅使命，會堅決支持最高專業水平，並會繼續推動行業可持續發展。