m18講場：中信泰富夥拍慈善機構派「福」

中秋係人月兩團圓嘅好佳節。中信股份(00267)旗下非金融子公司中信泰富喺過去嘅周末，就聯同非牟利機構香港居家安老協會齊齊出動，一連兩日喺葵芳區大派福袋畀一眾老友記，有成2,000個老友記受惠。

中秋當然唔少得月餅啦，據了解，今次特登揀用支持長者就業的嘅社會企業銀杏館整嘅月餅。一方面可以讓一班老友記開心過節，另一方面可以支持社企發展，一舉兩得！福袋內仲有聖保羅男女中學、顯理中學、香港教師會李興貴中學及愉悅畫坊同學親自書寫嘅心意卡，相信一班老友記實暖在心頭。

香港居家安老協會主席曾國勇表示，希望今次活動，將傳統佳節團圓、喜悅與溫馨嘅心情帶畀長者，同時想凝聚社會各界，讓佢哋可以感受到社區嘅愛、關懷同支持，做到「以愛傳愛，守護長者」。